00000cab a22000004a 4500 IPP-00000000623 IPP 20200702040655.0 200702s2011 xx d | ||r |||||fil|| fil Delupio, Marlon S. Ang pag-aaral ng mga kababaihan sa ilalim ng patakarang pang-edukasyon ng mge Amerikano (1898-1918) 2011 Makasaysayan ang naging pagkilos ng mga kababaihan ng Malolos sa kanilang pagnanais na makapag-aral at magbukas ng paaralang panggabi. Mapangahas at nagsilbing malaking hamon ito sa mga Kastila lalo't higit sa mga prayle na may kontrol ng mga paaralang parokyal. Sinagisag lamang nito na hindi magpapahuli ang mga babaeng Filipina sa larangan ng edukasyon at pag-aaral. Bago rito, ang tanging antas na naabot ng mga kababaihan sa pag-aaral ay ang primaryang antas. Karaniwang tumutulong na lang sila sa gawaing bahay at nagpapalaki ng mga anak. Ang pangyayaring ito ay hindi nalingid sa kaalaman ng ating pambansang bayani na si Dr. Jose Rizal at bilang sagot sinulatan niya ang mga ito at binigyan ng pagpupuri at pagpupugay sa hakbanging ginawa at sa angking katapangan ng mga kababaihan ng Malolos. Kasabay ng pagpasok ng mga Amerikano sa bansa ay ang pagbibigay ng pampublikong pag-aaral na bukas sa parehong kasarian. Naging malawakan ang pag-aaral ng mga kababaihang Pilipino mula sa primarya, intermidyet at maging sa sekondaryang antas. Lumalim din ang kanilang kaalaman sa pamamagitan ng pagbibigay ng iba't-ibang asignatura at bagong aralin. Ngunit, sa huli, kung bibigyan ng isang pagsusuri, talaga bang naialis at nailayo sa gawaing bahay? Sa edukasyong ipinagkaloob, tuluyan na bang naiangat ang antas ng mga babaeng mag-aaral kung ihahambing sa mga lalaki? Tuluyan na ba nilang nabuwag ang konserbatibong pagtingin ng lipunan hinggil sa pag-aaral at edukasyon ng mga tinaguriang "mahinang kasarian (weaker sex)?" Layunin ng papel, sa tulong ng mga pangunahing datos (primary source) na maipakita ang epekto na pag-aaral sa ilalim ng mga Amerikano noong 1898 hanggang 1918. Partikular na bibigyan ng pagsusuri ang ipinagkaiba ng pokus ng pag-aaral sa pagitan ng mga lalaki at babaeng mag-aaral. Maaaring nagkaroon ng karagdagang daan (access) ang mga babae kung titimbangin ang kanilang kahalagahan sa pamayanan. Pinairal ng kolonyalistang pag-aaral ang isang kaisipan na ang mga babae ay para lamang sa gawaing bahay at ang kanilang kahalagahan ay hindi na hihigit pa rito. Sa pamamagitan ng pag-aanalisa sa layunin ng pagtatag ng mga paaralan, hinabing kurikulum at ilang asignaturang inilatag, mababakas na sadyang hindi pantay ang naging pag-aaral at natamong karunungan ng dalawang kasarian. Social conditions of women Education of women History of education Philippines History American regime, 1898-1935 Scholastican Journal Vol. 1, no. 1 (Jul. 2011), 74-97 UPD DMLP Article FI